Սուրբ Սիոն եկեղեցի

Հաղպատի թաքնված հուշարձանը

Հաղպատի վանքից 150 մ հեռու գտնվում է Սուրբ Սիոն եկեղեցին, որը ստորգետնյա յուրահատուկ կառույց է: Հայտնի է նաև Առաջադեմ անունով: Ավանդազրույցի համաձայն այստեղ եկեղեցի է կառուցվել դեռևս Հայաստանում քրիստոնեության ընդունման ժամանակներում, այսինքն՝ Հաղպատի վանքի կառուցումից առաջ, ինչից էլ ստացել է Առաջադեմ անունը: Ներկայիս շինությունը կառուցվել է Հաղպատի վանքի 4 միաբանների՝ Տիրանի, Գևորգի, Անդրեյի և Դանիելի կողմից: Այդ մասին գրված է եկեղեցու մոտ գտնվող խաչքարերից մեկի վրա առկա է հայերեն արձանագրության մեջ:

Ճարտարապետական նկարագիր

Սուրբ Սիոն եկեղեցին կառուցված է սրբատաշ կապտավուն բազալտից: Այն ունի ուղղանկյուն հատակագիծ: Պատերին և դրանց հենած կան խաչքարեր, որոնց մի մասի վրա առկա են հայերեն արձանագրություններ: Մուտքի անմիջապես կողքին հենած հայերեն արձանագիր խաչքարը թվագրվում է 1005 թվականով և նվիրված է Կյուրիկյան հայոց թագավորության ամենահզոր արքա Դավիթ Անհողինին և Հաղպատի վանքի առաջին վանահայր Սիմեոնին:

Ինչպե՞ս այցելել

Թաքնված եկեղեցին գտնելու և տեսնելու համար պետք է հասնել գյուղապետարանի շենքի մոտ ու փողոցն անցնել: Այնուհետև, մայթին կանգնեցված խաչքարի կողքի փոքրիկ փողոցով իջնելով 3-4 մետր, աջ կողմում կտեսնեք Սուրբ Սիոն եկեղեցին: Երկաթյա ցանկապատի դուռը բացեք և ներս մտեք: Մուտքն ազատ է 24 ժամ: