Բացահայտիր Հաղպատը` Հայաստանի թաքնված գանձը

Haghpat.com-ը ներկայացնում է Հայաստանի ամենագողտրիկ վայրերից մեկի՝ Հաղպատ գյուղի մասին։ Այս հարթակը կօգնի քեզ քայլել դարերով գծված արահետներով, զգալ պատմական իրադարձությունների շունչը և վայելել դրախտային բնությունը։ Այն զբոսաշրջային կայք չէ, այլ Հաղպատի ձայնն ուղղված համայն մարդկությանը։

Հաղպատը Հայոց պատմության կարևոր էջերից է։ Տարբեր դարերում այստեղ են այցելել և ապրել հայոց փառապանծ թագավորներ և թագուհիներ, իշխաններ և իշխանուհիներ, զորավարներ, համամարդկային հայազգի գիտնականներ և լուսավորիչներ, երբեմն այստեղ է կայացվել Հայաստանի համար կարևորագույն որոշումները:

Հաղպատը թանգարան է բաց երկնքի տակ։ Գյուղի տարածքում սփռված հազարամյա եկեղեցիները, ամրոցները և բացառիկ մյուս կոթողները սպասում են Ձեզ, որպեսզի պատմեն իրենց անցած ճանապարհը և հիացնեն իրենց ճարտարապետական ինքնատիպությամբ։

Անցնելով հինավուրց անտառի միջով՝ կբարձրանաք բնակավայրը շրջապատող լեռները, կանցնեք զմրուխտյա մարգագետիններով և կդիտեք Հայաստանի ամենաջրառատ գետի՝ Դեբեդի ձորը, կմագլցեք ուղղաձիգ ժայռերը և կբացահայտեք քարայրները։ Բնության գողտրիկ անկյունները սպասում են Ձեզ։